Секој степен. Дење и ноќе. Докажано.

• Денес

  Тетратката на вратата

  Двапати на ден некој ја запишува температурата. Ноќе, за викенд и за празник, никој.

  Со NG Metrix

  Записот се води сам

  На секои 5 минути, 288 пати на ден, со точното време. Без тетратка и без празни редови.

• Денес

  Дефект за викенд

  Компресорот откажува во сабота навечер. Дознавате во понеделник наутро, кога стоката е веќе за фрлање.

  Со NG Metrix

  Порака за неколку минути

  Алармот стига по е-пошта, на телефонот и на компјутерот. Ако првиот не потврди, пораката оди кај вториот, па кај третиот.

• Денес

  Инспекторот на врата

  Ги бара записите за последните месеци, а Вие листате тетратки и барате празни редови.

  Со NG Metrix

  Извештајот е готов

  PDF за периодот што го бара, со секое излегување од опсег и корективната мерка до него. За една минута.

• Денес

  Два системи, две најави

  Комората е на еден екран, камионот на друг, а ладилникот во продавницата на хартија.

  Со NG Metrix

  Сè на еден екран

  Комори, ладилници, замрзнувачи и ладилни возила, со исти правила за аларм.

Законот бара HACCP записите да се чуваат најмалку 2 години (Закон за безбедност на храната, чл. 45 ст. 4 т. 3). Кога ги нема, глобата е од 300 до 500 евра за мало друштво и од 50 до 300 евра лично за одговорното лице (чл. 132 ст. 1 т. 16).

1. 01

   Ги разгледуваме Вашите единици

   Ни кажувате што имате: комори, ладилници, замрзнувачи, возила. Заедно одредуваме каде оди сертифициран сензор, а каде е доволен стандарден. Сензорите мерат до −20 °C; ако имате комора што е поладна, тоа Ви го кажуваме уште пред понудата, не на терен.

2. 02

   Опремата пристигнува подготвена

   Секој уред го подесуваме кај нас, пред да тргне кон Вас. Пристигнува спремен за работа, а алатките на производителот не мора никогаш да ги видите.

3. 03

   Монтираме и проверуваме

   Нашиот монтер ги поставува сензорите и уредот и не заминува додека не поминат пет проверки: единицата покажува „Во ред“, температурата е разумна, отворањето на вратата се гледа, двеминутен прекин на струја се гледа како „Тишина“ и потоа се враќа, а тест-алармот стигнува и е потврден.

4. 04

   Вие ги одредувате опсегот и луѓето

   За секоја единица поставувате дозволен опсег и кој добива аларм: прв, втор, трет. Од тој момент записот се води сам, дење и ноќе.

• Излегување од опсег

  Опсегот го поставувате за секоја единица, според производот: на пример до +7 °C за трупови, до +4 °C за живина, до +2 °C за мелено месо, −18 °C или постудено за замрзнато. Излезе ли мерењето од опсег, алармот тргнува.

• Тишината е аларм

  Ако сензор или уред престане да јавува подолго од времето што сте го поставиле, тоа не значи „сè е во ред“: добивате аларм за тишина, а уред што замолчел е секогаш критичен.

• Отворена врата

  Сензор со магнет на вратата. Ако остане отворена подолго отколку што дозволувате (стандардно 10 минути), добивате аларм, и во 3 наутро.

• Нестанок на струја

  Ако уредот остане без струја, на резервната батерија стигнува да јави. Добивате аларм пред да замолчи.

• Втор и трет човек

  Првиот од листата добива порака. Ако не потврди во времето што сте го поставиле, пораката оди кај вториот, па кај третиот. Кога температурата ќе се врати во опсег, стигнува порака дека алармот е затворен.

• Критичниот аларм не чека утро

  Во 3 наутро или во 5 попладне, во недела или за празник. Тивките часови ги задржуваат до утрото само предупредувањата.

• Секој аларм се затвора со мерка

  Алармот се потврдува со една реченица: што направивте. Се запишува со име и време и влегува во извештајот до излегувањето од опсег. Нема празен ред.

• Што уште треба да се среди

  Листата „Внимание“ Ви покажува сè што бара рака: аларм што никој не го потврдил, единица што молчи или нема опсег, контакт што недостасува. До секој ред има копче што Ве носи таму каде што се решава.

• Само од сертифицирани сензори

  Извештајот се прави само од сензори сертифицирани по EN 12830. Стандардните сензори во истата единица не пречат, едноставно не влегуваат во него. Ако во дел од периодот немало сертифициран сензор, тоа е наведено во извештајот, со датум.

• Дигитален отпечаток

  Секој PDF добива дигитален отпечаток што го чуваме кај нас. Ако некој смени и една бројка во фајлот, отпечатокот повеќе не се совпаѓа, а инспекторот може да го спореди со нашиот запис.

• Една единица или цел објект

  Кој било завршен период до една година, за една единица, за повеќе единици или за цел објект. Извештај прават сопственикот и менаџерите, а го преземаат сите што имаат пристап.

• Се чува 3 години

  Мерењата, потврдите и извештаите се чуваат 3 години, подолго од законскиот минимум од 2 години.

Извештајот го правите на македонски, албански или англиски, по Ваш избор.

• Сертифициран

  Сензор EN 12830

  За комори, ладилници и товарен простор каде што е потребен запис за инспектор. Сертификатот по EN 12830 го има самиот сензор, и затоа извештајот се прави од него.

  • Точност: класа 0,5 °C, од −20 до +60 °C
  • Фабрички калибриран во лабораторија акредитирана по ISO/IEC 17025, на −30, +5 и +70 °C
  • Куќиште за контакт со храна · IP67, IK10
  • Вградена батерија, околу 4 години

  Податоци на производителот. Индивидуален сертификат за калибрација дава производителот, на барање.

• Стандарден

  Сензор за температура, влажност и врата

  За сè каде што не е потребен сертификат: ладилници, витрини, простории. Со магнет на вратата јавува кога вратата е отворена.

  • Мери: температура и влажност
  • Врата: со магнет на крилото
  • IP67, IK10 · 56,6 × 38 × 13 mm, 18 g
  • Вградена батерија, околу 4 години
• Уред

  Уред со сопствена SIM картичка

  Ги слуша сензорите преку Bluetooth и ги праќа мерењата преку мобилна мрежа. Еден уред покрива неколку единици во близина. Ако падне мрежата, ги чува мерењата и ги праќа подоцна, со точното време.

  • Врска: мобилна мрежа, сопствена SIM
  • Резервна батерија, за да јави кога ќе нестане струја
  • Во возило ја знае и позицијата, за Возен парк во следната фаза
  • Подесен кај нас пред да стигне до Вас

Сертификатот EN 12830 му припаѓа на сензорот, не на апликацијата. Уредот не е мерен инструмент: само ги пренесува мерењата.

1. Сега

   Ладен ланец

   Комори, ладилници, замрзнувачи, простории и ладилни возила: температура, влажност, врата и струја, со аларми и извештај за инспектор.

2. Следно

   Возен парк

   Возилата на мапа, во истата апликација и во ист стил, со копче за мапа. Во ладилното возило, истиот уред што ги собира сензорите ја знае и позицијата, патувањата, поминатите километри и кога бил вклучен моторот. Температурата во товарот, вратата и патот ќе бидат еден запис на еден екран, наместо два системи и две најави.

   Позициите на возилата се лични податоци: ги чуваме пократко и одделно од записите за храната.

3. Понатаму

   Нови видови мерења

   Платформата не е врзана за температурата. Кога ќе додадеме нов вид сензор, тој се појавува како нов дел во истата апликација. Ќе Ви кажеме кога е спремен, не порано.

Изградена на отворени стандарди, за да трае со години.

• Дистрибутери на храна

  Комори во магацинот и ладилни возила на пат, на еден екран. Млечни, месни и замрзнати производи, снабдување на хотели и ресторани.

• Месарници и преработка на месо и млеко

  Континуиран надзор и записи, како што бара прописот за храна од животинско потекло, со корективна мерка до секое излегување од опсег.

• Ресторани, кетеринг и централни кујни

  Ладилниците и замрзнувачите под надзор и ноќе и за викенд, без тетратка на вратата.

• Ладилни складишта и логистика

  Повеќе објекти и многу комори. Сопственикот одредува кој кој објект го гледа, а извештајот може да опфати цел објект.

• Превоз и складирање на замрзната храна

  Таму каде што прописот бара инструмент по EN 12830: сертифицирани сензори и извештај направен само од нив. Сертифицираниот сензор мери до −20 °C.

• Продавници и маркети

  Витрини и ладилници под надзор, со аларм пред стоката да се расипе.

• Аптеки

  Ладилникот за лекови под надзор, со аларм штом ќе излезе од опсег.

• Од Скопје

  Го развиваме, го одржуваме и го монтираме ние, во NG Solutions во Скопје. Кога ќе Ви треба помош, одговара истиот тим.

• На македонски и албански

  Екраните, помошта, алармите и извештаите се на македонски, албански и англиски, со „?“ до секое место што може да збуни.

• Аларм без посебна апликација

  Алармот стига по е-пошта до секого што ќе го одредите, на телефон или компјутер. Наскоро и како обична СМС порака, без интернет на телефонот.

• Записите не се менуваат

  Мерењата, потврдите и извештаите не можат да се менуваат потоа. Кога ќе го смените опсегот, старото правило останува запишано: кој го сменил и од кога важи.

• Секој го гледа своето

  Три улоги: сопственик, менаџер и набљудувач. Сопственикот одредува кој кој објект го гледа. Вработен што заминува се деактивира, никогаш не се брише, па секоја потврда останува негова.

• Во ЕУ, 3 години

  Податоците се чуваат во ЕУ, во Франкфурт, Германија, 3 години. Секој ден резервна копија, а секој месец копија што се чува 3 години. Секоја фирма ги гледа само своите податоци.